பெங்களூரு வீதிகளில் கோலி மயம்! டெஸ்ட் ஓய்வுக்குப் பின் எண் 18 ஜெர்சி பேச்சாக மாறியது!
விராட் கோலியின் டெஸ்ட் கிரிக்கெட் ஓய்வு அவரது ரசிகர்களிடையே உணர்ச்சி மிகுந்த ஒரு அலையினை உருவாக்கியுள்ளது. இந்த ஓய்வு அறிவிப்பை தொடர்ந்து, IPL போட்டியில் அவரது புகழ்பெற்ற எண் 18 ஜெர்ஸியை அணிய ரசிகர்கள் ஒரு பிரத்தியேக வழிகாட்டும் பிரச்சாரத்தைத் தொடங்கினர். இதனால் பெங்களூரு நகரில் கோலியின் ஜெர்சி விற்பனை வெடிப்புப்போல் உயர்ந்துள்ளது.
ஆர்சிபி vs கேகேஆர் போட்டிக்கு முன் எண் 18 ஜெர்சி ஹாட்!
மே 17 ஆம் தேதி நடைபெறும் ராயல் சேலஞ்சர்ஸ் பெங்களூரு (RCB) மற்றும் கொல்கத்தா நைட் ரைடர்ஸ் (KKR) இடையேயான போட்டிக்கு முன், கோலியின் டெஸ்ட் ஜெர்சி — எண் 18 —விற்கும் தேவை பெரிதாக அதிகரித்துள்ளது. RCB ரசிகர்கள், அந்த நாளில் எம். சின்னசாமி மைதானத்தில் கோலியின் டெஸ்ட் ஜெர்ஸியுடன் வருமாறு டிக்கெட் வைத்திருக்கும் ரசிகர்களுக்கு அழைப்பு விடுத்துள்ளனர். வெள்ளிக்கிழமை அன்று, மைதானம் அருகிலுள்ள வீதிகளில் கோலியின் ஜெர்சி விற்பனை ஜோராக நடந்தது.
சிகர்களின் சலுகை: “டெஸ்ட் ஜெர்சியுடன் ஆர்சிபி-க்கு வருக!”
இந்த அபூர்வமான ரசிகர்கள் இயக்கத்தைக் RCB நிர்வாகம் தடை செய்யவில்லை. இது பெரிதும் பரவியதையடுத்து, RCB கிரிக்கெட் இயக்குநர் மோ போபாட், போட்டிக்கு முன் செய்தியாளர்களிடம் பேசினார்.
“இது பற்றி நாங்கள் அணிக்குள் அதிகமாக பேசவில்லை. ஆனால் ரசிகர்கள் இதைப் பற்றி அதிகமாக பேசுவதைக் கவனித்திருக்கிறேன். இது எங்கள் ஆட்டத்தில் பெரிதாக எந்த தாக்கமும் ஏற்படுத்தும் என நினைக்கவில்லை,” என மோ போபாட் கூறினார்.
கோலியின் ஓய்வு: ஒரு உணர்ச்சிமிக்க பிரியாவிடை
மே 12ஆம் தேதி, விராட் கோலி தனது இன்ஸ்டாகிராம் பக்கத்தில் ஒரு உணர்ச்சிமிகு செய்தியுடன் டெஸ்ட் கிரிக்கெட்டிலிருந்து ஓய்வு பெறுவதை அறிவித்தார்.
“முதன் முதலில் ‘பேக்கி ப்ளூ’ ஜெர்ஸியை அணிந்து டெஸ்ட் கிரிக்கெட்டில் நுழைந்தது 14 ஆண்டுகளாகிறது. இந்த பயணம் என்னை எதிர்பாராத வகையில் வடிவமைத்தது. இது என்னை சோதித்தது, செதுக்கியது, வாழ்க்கை முழுவதும் என்னுடன் இருக்கும் பாடங்களை கற்றுத்தந்தது,” என கோலி எழுதினார்.
“வெள்ளை ஆடையில் விளையாடுவதில் ஒரு தனிப்பட்ட உணர்வு இருக்கிறது. அமைதியான முயற்சி, நீண்ட நாட்கள், யாரும் பார்க்காத அந்த சிறிய தருணங்கள் — ஆனால் நம்மை ஆழமாக பாதிக்கும் தருணங்கள்.”
“இந்த வடிவிலிருந்து விலகுவது எளிதல்ல — ஆனால் இது சரியான தருணம் போல உணருகிறது. நான் என்னிடம் இருந்த அனைத்தையும் இதற்கு கொடுத்துவிட்டேன்; ஆனால் இது எனக்கு எதிர்பார்த்ததைவிட அதிகமாகத் திருப்பிக் கொடுத்துள்ளது.”
இதையும் படிங்க :விராட் கோலி ஓய்வு.. இங்கிலாந்து பவுலர்களால் வந்த பயமா? சர்ச்சையை கிளப்பும் தகவல்!
“நான் இந்த பயணத்திலிருந்து நன்றி நிரம்பிய மனதுடன் விலகுகிறேன் — இந்த விளையாட்டுக்கும், எனக்குடன் விளையாடியவர்களுக்கும், என்னை கண்டுகொண்ட ஒவ்வொரு ரசிகருக்கும். என் டெஸ்ட் வாழ்க்கையை நான் எப்போதும் ஒரு புன்னகையுடன் நினைவுகூர்வேன்.”
விராட் கோலி, இந்திய கிரிக்கெட்டின் மிகச் சிறந்த கேப்டன்களில் ஒருவராகவும், இந்திய டெஸ்ட் வரலாற்றில் நான்காவது அதிக ரன்கள் எடுத்த வீரராகவும் தனது டெஸ்ட் பயணத்தை முடித்துள்ளார்.
